'الاسم : مِصر'

الاسم : مِصر
الموقع : شمال إفريقيا   الخصائص : إبادة الشعب

 إنك تعيش في وطن مدفون في الذل و الجهل و المهانة لعقود كتيرة و ساكت و صابر، و يوم ما غضب و دفع تمن حريته أطهر شباب بلده و بردو رجعنا في ذل و مهانة و عار أكتر من الأول تاني دي أكيد حاجة تجعلك تموت من جواك و تشتعل عندك رغبة  و الانتقام  و تنسي كلمة الآدمية. أنا متأكدة إن مفيش إنسان شاف كَم الذل اللي الإنسان المصري شافه -أو الدول العربية في قارة إفريقيا بالأخص- . إن إنسان عايش -المفروض-  في بلد و عارف إن دمه أرخص حاجة فيها و بردو بيحاول يتعايش فيها و راضي و صابر و كل شوية يقول : "إن شاء الله الحال هينصلح" و مقتنع بكده و يشوف نفسه بيتقتل كل يوم بموت غيره، فأين الآدمية يا سادة ؟
 ... و الـــنـــتـــيـــجـــــة
 كام واحد دوّر علي حل و كل ما يقوله يؤمَر بالسكوت و يُصاب بالقمع و إقصاء الرأي؟
كام واحد قال "أنا نازل أجيب حق إخواتي" و مرجعش؟  كام واحد كان نازل يشجّع فريقه و اتضرب لحد ما مات ؟ كام واحد ركب قطر أو أتوبيس و مات؟  كام أم و أب قلبهم اتحرق علي ولادهم و محدّش حاسس بيهم و بيترحمّوا علي  ولادهم في صمت؟  كام واحد آعد عالكرسي و عارف حجم المسئولية الهو فيها بس سايب "حاشيته" هي تمشي الأمور؟
كام واحد اتعملوا شهادة وفاة بسبب إهمال و فساد؟
.كام و كام و كام .. حسبنا الله و نعم الوكيل

'ابتسم'

ابتسم و انت عارف إن الكون محتاج ابتسامتك
ابتسم عشان في شخص بيعشق ابتسامتك حتي لو مجاش يقولك

ابتسم عشان صحابك يحسوا بفرحة إنهم ساعدوك
ابتسم عشان جمبك ناس عمرهم ما سابوكابتسم عشان الدنيا بتحاول تبينلك حقايق كتير، حتي و لو وجعتك عشان تفوق

ابتسم عشان في ناس حالهم أوحش منك بس بردو بيبتسموا و راضيين

ابتسم عشان بتصحي كل يوم و عندك فرصة إنك تغير العالم!
ابتسم حتي لو انت في مشكلة؛ صدقني ابتسامتك هتخفف عنك شوية

ابتسم عشان تبسمك في وجه أخيك صدقة 
الحياة أقصر بكتير من إن تعد زعلان من مشكلة. حتي لو الدنيا ادتك ألف سبب إنك تكون ضعيف خليها هي التبكي من جبروت ابتسامتك يا أخي انت الكسبان في الآخر ^^ .