' .. صديقي الملحد '

*الفكرة طرحتها صديقة عزيزة عليا جداُ، بس أعتقد إن التساؤلات دي عندنا كلنا مش عندها هي بس. أنا كمان فكرت في الموضوع ده كتير. يا صديقي الملحد .. أنا مش جاية أهاجمك ولا أقولك انت بتفكر إزاي، ولا هقولك انت غلط بردو أنا جاية أتكلم معاك . عندي كام سؤال كانوا دايما في بالي، كنت دايما بسأل نفسي انت لما تكون مدايق بتعمل ايه ؟ ممكن يكون سؤال بسيط بالنسبة لك بس كبير جدا بالنسبالي و لناس كتير بردو عندها نفس السؤال ده. متقوليش بتروح تحكي لواحد صحبك عشان أنا لاحظت إنك مش بتقول حاجات شخصية .. لأي حد تقريباً. بس ال لاحظته بردو إنك بتحاول تبين إنك فرحان و إن بالك مرتاح مع إن أنا شايفاك إنك مدايق علي طول و مش شايفاك سعيد خالص. حتي هزارك بيضحك غيرك مش بيضحكك انت ! . نفسي أعرف بجد انت لما تكون مدايق و عندك مشكلة بتعمل ايه؟ طب مفكرتش مين البيحلهالك؟ طب مفكرتش إن صحابك -أياً كانت ديانتهم أكيد زعلانين عليك ... و زعلانين عليك أوي كمان؟ . شايف نفسك سعيد فعلا و انت عبد لشهواتك؟ طب لو سعيد فعلا دلوقتي، هتفضل سعيد للأبد ؟ . أنا مجتش أكلمك علي دين أو أي حاجة متعلقة باعتقاداتك، أنا جيت أكلمك عن حاجة متعلقة بآدميتك. انت عارف نفسك؟ حاسس إن نفسك عارفة مكانها في العالم ده؟ حاسس باطمئنان ؟ . السؤال الأهم، حاسس إنك عايش؟.

'آلام'

يقتحمون حياتك ليرسموا البسمة علي وجهك و يعطونك وعوداً و أقساماً بأنهم لن يتخلوا عنك و سيظلون بجانبك إلي الممات، و لكن أين هم الآن .. أين الأشخاص الذين ظننت أنك تعرفهم ؟ . السؤال الآن : لماذا وعدونا من البداية ؟ لماذا صدقنا أنهم سيبقوا بجانبنا ؟ لماذا أقنعنا نفسنا أنهم صادقين .. لماذا و لماذا و لماذا ! . و ينتهي بنا الحال أننا نسب و نلعن أنفسنا علي كوننا بلهاء، ننسي كل جميل و طيب كان يذكرنا بهؤلاء الأشخاص و الأكبر أننا نحارب لنمحيهم من ذاكرتنا و نحاول نتقبل بعدهم عنّا. و الألم يشتد عندما تسمع كلمة كانت تضحكك منهم هم بالأخص أو تتذكر موقفاً أثبت لك كم يهتمون لأمرك و كم أنت تعني لهم. و الغريب أنك مهما ظننت أنك تكرههم ففي لحظة تتذكر كل ما كان جميل بينكم و تلوم نفسك علي شعور الكراهية تجاههم، مع أنهم يستحقوا النسيان و الكره لما ارتكبوا في حقك من أخطاء و عدم تقدير ناهيك عن الجرح النفسي الذي لا يندمل إلا بعد سنوات ! . و بمجرد أن تعبر بالك فكرة أنهم الآن سعداء بينما أنت تفكر فيهم ألف مرة و تفكر إذا كنت تعبر ذهنهم أم لا فهذا يجدد الألم بداخلك و يقحمك في موجة حزن جديدة. ما استنتجته أنك أنت الخاسر في النهاية، أنت الذي ستتذكر كل الألم باستمرار و أنت الذي ستتحسر عليهم لأنهم خسروا أنفسهم، و أنت الذي ستعذبك الذكريات، و أنت الذي ستقف حياتك و أنت و أنت و أنت .. لكن السؤال هو : هل يحسون بذرة واحدة من ألمك هذا ؟ سأجيب بالنيابة عن عقلك و قلبك : هـــــيـــــهــــات.

خواطر |

- عمرك عامل زي الساعة الرملية اللي بتنقص منها حبة رمل كل ثانية. بس الإختلاف إنك بتقلب الساعة تاني و تالت و عاشر عشان الرمل ينزل تاني، بس عمرك مينفعش تعيده من تاني أو ترجع ثانية راحت أو تأجل ثانية جاية. استثمر وقتك كويس و متئذيش حد ... محدش عارف نهايته امتي :)

- أكيد كلنا فكرنا الناس بتبص علينا إزاي مش شكلا بس، كردود أفعالنا و رأيهم في شخصيتنا و بيقدرونا أد إيه و بيجبونا أد إيه و كل التساؤلات دي. و ده بيخلق مشكلة عندنا و مخاوف كمان لدرجة إنك ممكن تلاقي نفسك بقيت منافق و بتمثل علي الحواليك عشان تعجبهم و بعد مدة هتلاقي شخصيتك الأساسية اتمحت. نصيحة : كُن نفسك، شخصيتك هي بتحدد مين يحبوك و بتختار الناس
 المناسبين ليك ;) 

- ربنا خلقنا كلنا و نفسنا جوانا مش مخدوشة و مش عليها أي نقطة سودة. بس بردو إحنا بشر، يعني نفسك هتتلوث شوية بشوية من ذنوبك و تتشوه من أي حاجة تجرحك بس تقدر تحافظ علي نقائها. و للأسف بتلاقي ناس بتتفنن في إنها تشوه نفسها حتي لو عارفة إن الـ بتعمله ده غلط، بتشوه نفسها بالبُعد عن ربنا و بيستسلموا لأهواء النفس و مش بيحاولوا بيكونوا أقوي منها.
نَفسك دي ربنا إداهالك عشان تحافظ عليها مش عشان تقتلها، حافظ عليها لو سمحت.